Taxi !

ماكو شغل و ابي اقرق شوية

شكثر صار لي ما ركبت تاكسي ! مادري وايد !! بس اذا انت مسافر و مشوارك بعيد ما يصير تمشي لازم تاخذلك تاكسي

المهم انا شنو اكتشفت … اكتشفت ان سايق التاكسي نوعين

النوع الاول : الي يهذر وايد

يسولف بكل شي و أي شي حتى لو انت مو معطيه ويه ولا قاعد تاخذ و تعطي معاه بس هم راح يسولف

بعد ما يسالك وين بتروح و ترد عليه يبدا الحوار كالتالي

السايق:  انت من وين؟ امريكي؟

انت: لا

السايق: بس اللهجة مضبوطه و مرتبه حتى شكلك امريكي

انت: شكرا >> شكو !! لول

السايق: انت من وين؟

انت: كويتي

السايق: اي عاد اقولك .. انا ما عمري رحت الكويت ولا رحت اي ديرة عربية بس ودي

و تدري الحين نسبة العرب اهني وايد فآنا تقريبا كل يوم اوصل شخص عربي اذا مو اكثر

…. هذرة …. هذرة ….. هذرة

انت تلعب بتلفونك ولا تطل من الدريشة جنك ما تسمع ولا ودك ترد

و فجأة يصعقك بسؤال الي : شنو قاعد تلعب بالتلفون؟ اكو قيمز وايد ؟ انا استخدم التلفون الفلاني شرايك فيه

و انا شكوووووو !!! انا شكو فيك و بتلفونك ولا في شغلك ولا ودك تسافر ولا العرب شكثر اهني !!! يه انت بس بتسولف ما تعرف تسكت

ولييييييه وهقة و الله و خصوصا اذا كنت طالع مشوارك الصبح و انت قاعد مستعسر و مالك خلق احد .. ولا راجع تعبان و بس تبي توصل البيت

يسبب لي صداع و الله اكره نفسي

بس الحمدلله النوع هذا مو وايد و نسبتهم قليله

النوع الثاني: الساكت الي ما يتكلم ابد

النوع هذا انا يعجبني

تركب ،، يسالك وين تبي تروح ،، تعطيه العنوان ،، يقولك اوكي

مسافة الطريج ولا اهو يقولك وصلنا تفضل

يا سلااااام شنو احلى من جذي … هدوء و راحه بال و توصل و مزاجك ماكو عليه

بس اكو شغلة صغيرة … او بالاحرى مشكله يعني احيانا من زود الهدوء و اهو ساكت انا اخاف يكون نام

و لا طاف المكان الي انا ابي تلقاني اجيك عليه صاحي ولا شنو وضعه ههههه

انا مو ضد ان السايق يسولف و ياخذ و يعطي بس بحدود و بأمور خفيفة ما تغث مو يقول لي قصة حياته

علشان لا افصل عليه … علشان صحته يعني مو زين لول

و بس 

=p

Advertisements

~ by msha3erha on June 26, 2011.

4 Responses to “Taxi !”

  1. السلام عليكم

    انا نفسج ماحب اللي يقرق وايد
    بس هم اذا دربج طويل ما تبين واحد ساكت طول الوقت على قولتج من كثر الهدوء تخافين نام
    اهوا بصراحه على حسب المود، ساعات ضايق خلقج مالج خلق تسمعين احد
    بس هم الهادي وايد احسن من القرقي

  2. لوووووول

    الله يعينكم عليهم 🙂

  3. اكره ماعندي السوق لقرقه توني راده من بانكوك بطوا رسي بهذرتهم وجذبهم :\

  4. Hope:
    هلا و الله .. لول اي و الله انتي الي فاهمتني

    Artful:
    اي بعد انا حظي نحيس معاهم كله اطيح ويا واحد لسانه طويل ما يسكت لوول

    شخبوطة
    و الله انا ساعات اقعد ازف روحي شله ركبت ويا واحد يهذر ليش ما مشيت
    ان شاء الله لو امشي 2 كيلو هم اهون من عوار الراس

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: